باندە جولەکەکان هێرشیان کردە سەر کاروانی فڕیاگوزاری
13 oC
13 oC
Güneşli
13 oC
Güneşli
کاروانی فڕیاگوزاری بۆ غەززە کە لە ئوردنەوە بەڕێوەکەوتبوو لە خاکەکانی داگیرکراو تووشی هێرش باندەکانی جولەکە بوو.
محەمەد مومەنی وتەبێژی حکومەتی ئوردن راگەیاند، باندەکانی جولەکە رێگریان لە کاروانی فڕیاگوزاری کردووە و هێرشیان کردووە سەر بارهەڵگرەکان و تایەی ٤ بارهەڵگریان تەقاندووە. دوای هێرشەکە ٢ بارهەڵگر بەردەوام بووە لە رێگاکەی و ٢ بارهەڵگریش ناچار ماوە بگەڕێەتەوە ئوردن.
مومەنی ئاماژەی بەوە کرد کە ئەمە یەکەم جار نییە هێرش دەکرێت و بەرپرسانی داگیرکەر هیچ رێنمایێک لە دژی ئەم جۆرە هێرشانە جێبەجێ ناکەن.
فەرهان حەق وتەبێژی سکرتێری گشتی نەتەوە یەکگرتووەکان لە راگەیەندراوێک باسی لەوە کرد، هاوکارییەکانی کە دەگەنە غەززە کەمترە لە نیوەی پێویست و وتی، "لە غەززە قەیرانێکی گەورەی برسێتی هەیە. کێشەی گەورە ئەمەیە، ئیسرائیل تەواوی دەروازەکان کۆنترۆل دەکات و قۆناغی گواستنەوەی هاوکارییەکان تێکەڵاو کردووە."
لە چەند هەفتەی کۆتاییدا رێگە بە گواستنەوەی زۆر کەمپی هاوکاری لە دەروازەکانی "کەرەم ئەبو سالم" و "زیکیم" دراوە بەڵام باندەکانی جولەکە بوونەتە بەربەستێکی نوێ لە بەرامبەر هاوکارییەکان.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٥ کەسی دیکە بەهۆی برسێتی گیانیان لەدەستدا و ژمارەی شەهیدەکان گەستە ١٩٣ کەس کە ٩٦یان منداڵن.
لە هێرشی شەوانەدا لە کەناری ڕۆژئاوا ٣ کەس بریندار بوون کە یەکێکیان منداڵە و ٣ فەلەستینی دەستبەسەر کران. لە ناحیەی بەیت عومەر لە ئەلخەلیل، ڕۆژنامەنووسی گەنج فەرەح ئەبو عەیاش لە هەڵمەتێکدا بۆ سەر ماڵەکەی بە دیل گیرا.
ئەمریکا لە مانگی کانوونی دووەمی ٢٠٢٣ەوە فڕۆکەکانی لە ئینگلتەرا بەکرێ گرتووە و بەسەر ئاسمانی غەززەدا دەفڕێنێت بۆ ئەوەی هاوکاری هەواڵگری بۆ رژێمی داگیرکەر بکات، بەمەش چالاکانە پاڵپشتی سوپای داگیرکەر دەکات.
موجاهیدەکانی کەتائیبی قەسام، سەرییەکانی قودس و لیواکانی ناسر سەلاحەدین لە غەززە ئۆپڕاسیۆنێکی هاوبەشیان ڕێکخست و بە تۆپەکانی هاوەن سەرباز و ئۆتۆمبێلەکانی داگیرکەریان کردە ئامانج.
